Pro liganing 2-turidan o‘rin olgan "Mash’al" - "Zomin" (2:0) uchrashuvidan so‘ng mehmonlar bosh murabbiyi Asqar Umarov fikrlari bilan o‘rtoqlashdi.

"Uchrashuv haqida gapiradigan bo‘lsak, jangovar o‘yin ko‘rdik. Oxirgi daqiqalarda yigitlarga tajriba yetishmadi. Jamoamizda charchoq alomatlari sezildimi, bilmadim. Avtogoldan so‘ng yigitlar oldinga o‘tib ketishdi. Xatolar ustida ishlab muxlislarni xursand qilishga harakat qilamiz. "Mash’al" qanotlardan ko‘p hujumlar qiladi. O‘zimizga o‘zimiz xato olib keldik".

- Ikkinchi taymdagi ochiq o‘yin "Zomin"ga qimmatga tushdimi?

- Birinchi taymda imkoniyatlar bo‘ldi. Futbolchilarning kuchiga ishongan edik. Ikkinchi bo‘limda xatoga yo‘l qo‘ydik. Avtogolda birinchi o‘rinda yarim himoyachimiz kutilmaganda to‘pni yo‘qotdi. To‘p rekoshet bo‘lib kirib ketdi. "Zomin"da yaxshi sharoitlar yaratilgan. 2-3 yillarda Zominga Superligani olib kelamiz, degan umiddaman.