Про лиганинг 2-туридан ўрин олган "Машъал" - "Зомин" (2:0) учрашувидан сўнг меҳмонлар бош мураббийи Асқар Умаров фикрлари билан ўртоқлашди.

"Учрашув ҳақида гапирадиган бўлсак, жанговар ўйин кўрдик. Охирги дақиқаларда йигитларга тажриба етишмади. Жамоамизда чарчоқ аломатлари сезилдими, билмадим. Автоголдан сўнг йигитлар олдинга ўтиб кетишди. Хатолар устида ишлаб мухлисларни хурсанд қилишга ҳаракат қиламиз. "Машъал" қанотлардан кўп ҳужумлар қилади. Ўзимизга ўзимиз хато олиб келдик".

- Иккинчи таймдаги очиқ ўйин "Зомин"га қимматга тушдими?

- Биринчи таймда имкониятлар бўлди. Футболчиларнинг кучига ишонган эдик. Иккинчи бўлимда хатога йўл қўйдик. Автоголда биринчи ўринда ярим ҳимоячимиз кутилмаганда тўпни йўқотди. Тўп рекошет бўлиб кириб кетди. "Зомин"да яхши шароитлар яратилган. 2-3 йилларда Зоминга Суперлигани олиб келамиз, деган умиддаман.