Iordaniyaning Amman shahrida o‘tkazilayotgan boks bo‘yicha o‘smirlar va yoshlar (yigitlar va qizlar) o‘rtasidagi Osiyo chempionati bugun yakuniga yetadi. Bugun 19 yoshgacha bo‘lgan yigit va qizlar o‘rtasidagi final janglari bo‘lib o‘tadi.

O‘zbekiston delegasiyasi safida qit’a chempionatiga yo‘l olgan 12 nafar qizlarimizning 9 nafari finalgacha yetib kelishdi. Yigitlardan esa 13 nafaridan 10 nafari bugun oltin medal uchun ringga ko‘tarilishadi.

E’tiborli tomoni, Qozog‘istonning 7 nafar erkak boskchisi finalgacha yetib kelgan bo‘lib, ularning barchasi vakillarimizga qarshi jang olib boradi. Qizlar o‘rtasidagi hal qiluvchi janglarda esa muxlislar yana 4ta "derbi"ga guvoh bo‘lishadi.

Dastlab Toshkent vaqti bilan 16:00da qizlar o‘rtasida final bahslari boshlanadi. Keyin esa navbat yigitlarga beriladi.

Yoshlar o‘rtasidagi Osiyo chempionati. Finalda ishtirok etadigan o‘zbekistonlik sportchilar:

Yigitlar
51 kg. Xo‘janazar Nortojiyev (O‘zbekiston) — Almat Abduali (Qozog‘iston)
54 kg. Abduvali Bo‘riboyev (O‘zbekiston) — Eljay Mabelin Pamisa (Filippin)
57 kg. Baxtiyor Asadov (O‘zbekiston) — Aqjol Asilbek o‘g‘li (Qirg‘iziston)
63.5 kg. Javohir Ummataliyev (O‘zbekiston) — Vanshay (Hindiston)
67 kg. Fazliddin Erkinboyev (O‘zbekiston) — Islam Sovetov (Qozog‘iston)
71 kg. Alisher Ayubov (O‘zbekiston) — Yegor Yegorov (Qozog‘iston)
75 kg. Rahmatullo Boymatov (O‘zbekiston) — Daulet Tulemisov (Qozog‘iston)
80 kg. Abdulaziz Abdurahmonov (O‘zbekiston) — Sultanbek Aybaruli (Qozog‘iston)
86 kg. Jamoliddin Qozoqov (O‘zbekiston) —  Temirlan Mukatayev (Qozog‘iston)
92 kg. Aynazar Kenesbayev (O‘zbekiston) — Yerdos Sharipbek (Qozog‘iston)

Qizlar
48 kg. Saidaxon Rahmonova (O‘zbekiston) — Nivedita Karki (Hindiston)
50 kg. Rabiyaxon Baxtiyorova (O‘zbekiston) — Tamanna (Hindiston)
52 kg. Munavvar Fozilova (O‘zbekiston) — Tomiris Mirzaqul (Qozog‘iston)
54 kg. Ra’no Murodboyeva (O‘zbekiston) — Viktoriya Baydukova (Qozog‘iston)
60 kg. Muxlisa Tohirova (O‘zbekiston) — Shahin Gill (Hindiston)
63 kg. Sitora Bahodirova (O‘zbekiston) — Ravina (Hindiston)
70 kg. Aziza Zokirova (O‘zbekiston) — Gavxar Shaybekova (Qozog‘iston)
81 kg. Oltinoy Sotimboyeva (O‘zbekiston) — Kamila Bajbenova (Qozog‘iston).
81+ kg. Sabohat Husanova (O‘zbekiston) — Kirti (Hindiston)