The Sun xabariga ko‘ra, "Liverpul" darvozaboni Kellexer yozda sotilmaydi yoki ijaraga berilmaydi.
Manba bergan xabarga ko‘ra, "qizillar"ning Angliya liga kubogi finalida "Chelsi" ustidan qozonilgan g‘alabasida katta rol o‘ynagan 23 yoshli futbolchiga APLning bir qator klublari qiziqish bildirmoqda.
"Liverpul" Kellexerni keyingi mavsumda ikkinchi darvozabon bo‘lib qolishini istaydi va hech qanday taklifni ko‘rib chiqmaydi.
Futbolchining klub bilan shartnomasi 2026 yilning 30 iyuniga qadar amal qiladi.
Kellexer joriy mavsumda barcha musobaqalarda 8 ta o‘yinda maydonga tushib, 7 ta gol o‘tkazib yubordi va 4 ta o‘yinda o‘z darvozasi daxlsizligini saqlab qoldi.
