Diyego Simeone «Atletiko»ning YECHL doirasida «Manchester Yunayted»ga qarshi bo‘lib o‘tadigan o‘yinidan oldingi fikrlarini bildirdi.
15 mart kuni tunda jamoalar Chempionlar ligasi 1/8 finalining javob o‘yinini o‘tkazishadi. Birinchi uchrashuv 1:1 hisobida yakunlangan.
«Manchester Yunayted» futbolchilari va o‘zimizning futbolchilarimizning sifatini inobatga oladigan bo‘lsak, o‘yin qiziqarli va ikkala jamoada ham imkoniyatlar bo‘lishi kerak. Biz yuqori pressingni amalga oshiramiz va bu klassik o‘yin bo‘ladi.
Ba’zida jamoalarning o‘z maydonida boshi aylanib qoladi va biz imkoniyatdan foydalanib, qarshi hujumga o‘tishimiz va ularning xatolari uchun tovon to‘llattirishimiz mumkin.
Shu o‘n yil davomida bizni kerakli natijalarga olib boradigan yo‘lni topdik. Biz bilamizki, har bir o‘yin o‘zgacha hikoyadir, ammo biz Angliyada yaxshi o‘ynadik. Biz raqiblar nimaga qodirligini, ular qanchalik jiddiy ekanini bilamiz, ammo biz g‘alaba qozonish uchun hamma narsani qilishimizga ishonchim komil”, - dedi «Atletiko» bosh murabbiyi.