«Inter» «Torino» markaziy himoyachisi Gleyson Bremerni o‘z safiga qo‘shib olish uchun dadil qadam tashlamoqda. Bu haqda jurnalist Daniyele Longo xabar berdi.
Manba bergan xabarga ko‘ra, «neradzurrilar» "Torino" himoyachisi bilan shartnoma shartlarini Bremerning agenti bilan kelishib olishgan. «Inter» shu yilning yozida ushbu transferni amalga oshirmoqchi.
Qo‘shimcha qilamizki, Bremerga Premyer-ligadan ham talab bor. Unga «Tottenxem», «Liverpul» va «Manchester Yunayted» klublari da’vogarlik qilmoqda.
