Superliga 3-turidan o‘rin olgan “Navbahor” – “Qo‘qon-1912” uchrashuvi 17 mart kuni Namangan shahridagi “Markaziy” stadionida bo‘lib o‘tadi. “Vodiy derbisi” oldidan ushbu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.
O‘zaro o‘yinlar
“Qo‘qon-1912” hamda “Navbahor” klublari shu kungacha 32 bor kuch sinashishgan. 8 ta uchrashuvda “Qo‘qon-1912”ning qo‘li baland kelgan. “Navbahor” 17 ta o‘yinda g‘alaba qozongan. 7 ta o‘yinda durang natija qayd etilgan. To‘plar nisbatida ustunlik “lochinlar” tomonida: 60-36. “Navbahor” o‘zaro o‘yinlarda 58 ochkoga ega bo‘lgan, “Qo‘qon-1912” esa 31 ochkoni qo‘lga kiritgan.
So‘nggi bor bu jamoalari o‘tgan 2021 yilning 27 noyabr sanasida, superliganing 26-turi doirasida uchrashishgan. Namangandan bo‘lib o‘tgan o‘sha o‘yinda ”shunqorlar” 2:3 hisobida g‘alaba qozonishgan edi.
Ushbu jamoalarning so‘nggi yetita uchrashuvda qayd etilgan natijalari bilan tanishing:
27.11.2021 Navbahor – Qo‘qon-1912 – 2:3
01.08.2021 Qo‘qon 1912 – Navbahor – 1:2
03.12.2020 Qo‘qon 1912 – Navbahor – 1:1
28.08.2020 Navbahor – Qo‘qon-1912 – 0:1
01.12.2019 Qo‘qon 1912 – Navbahor – 1:1
10.03.2019 Navbahor – Qo‘qon-1912 – 1:1
31.03.2018 Qo‘qon 1912 – Navbahor – 1:0
Namanganda bo‘ladigan “vodiy derbi”sini Rahimbek Karimov boshqarib boradi
16-18 hamda 20 mart kunlari Coca-Cola Superligada 3-tur uchrashuvlari bo‘lib o‘tadi.
Tur doirasidan o‘rin olgan uchrashuvlarda ishlaydigan rasmiylar e’lon qilindi. Bu turda Namangandagi bellashuvda VAR ishlamaydigan bo‘ldi.
Namangandagi “markaziy” stadionida bo‘lib o‘tadigan “Navbahor” – “Qo‘qon-1912” uchrashuvini Rahimbek Karimov boshchiligidagi xakamlar guruhi boshqarib boradi. O‘tgan yilgi mavsumda Rahimbek Karimov “Qo‘qon-1912” ishtirokidagi 3 ta bahsni boshqarib borgan edi. Jamoamiz ularning ikkitasida durang natija qayd etishgan va safardagi AGMK jamoasiga qarshi o‘yinda imkoniyatni boy bergan edi.
17 mart, payshanba
“Navbahor” – “Qo‘qon-1912”
Hakamlar: Rahimbek Karimov, Rishat Nugmanov, Doniyor Saylalov, Husan Muzaffarov
Nazoratchi: Bobur Haydarov
Komissar: Jahongir Rahmatullayev
Boshlanish vaqtlari
“Navbahor” – “Qo‘qon-1912” uchrashuvi, 17 mart payshanba kuni Namangan shahridagi “Markaziy” stadionida soat 18:30 da start oladi. Ushbu jamoalarning o‘rinbosarlari ham U-21 birinchiligining 3-turida maydonga tushishadi. Bu uchrashuv Namangan shahridagi “Markaziy” stadionning zaxira maydonida 18 mart kuni o‘tkaziladi.
