Ispaniya terma jamoasining sobiq bosh murabbiyi Xose Antonio Kamacho "Barselona"ning hozirgi ustozi Xavi kelajakda "qizil furiya" terma jamoani boshqarishga qodirmi yoki yo‘qmi, degan savolga javob berdi.
"Xavi Ispaniya uchun mukammal murabbiy bo‘lishi mumkin, ammo u buni xohlaydimi, yo‘qmi bilmayman. Hozir jamoada Luis Enrike bor, shuning uchun aniq bir narsa deya olmayman", - deya Kamachoning so‘zlarini keltiradi Mundo Deportivo.
Kamacho, shuningdek, "ko‘k-anorranglilar" murabbiyga jamoa o‘zi xohlagan tarzda o‘ynashi uchun ko‘proq vaqt kerakligini ta’kidladi. Sababi Xavi boshqalarning xatolarini tuzatishi kerak edi.
Xavi o‘tgan yilning kuzidan beri "Barselona"ni boshqarib kelmoqda. O‘shandan beri Ispaniya La Ligasida o‘tkazilgan 15 uchrashuvda kataloniyaliklar bor-yo‘g‘i bitta mag‘lubiyat alamini totib ko‘rdi va turnir jadvalidagi o‘rnini sezilarli darajada yaxshiladi. Endi Katalon klubi 3-o‘rinda va sovrinlar uchun kurashni davom ettirmoqda.
