Испания терма жамоасининг собиқ бош мураббийи Хосе Антонио Камачо "Барселона"нинг ҳозирги устози Хави келажакда "қизил фурия" терма жамоани бошқаришга қодирми ёки йўқми, деган саволга жавоб берди.
"Хави Испания учун мукаммал мураббий бўлиши мумкин, аммо у буни хоҳлайдими, йўқми билмайман. Ҳозир жамоада Луис Энрике бор, шунинг учун аниқ бир нарса дея олмайман", - дея Камачонинг сўзларини келтиради Mundo Deportivo.
Камачо, шунингдек, "кўк-анорранглилар" мураббийга жамоа ўзи хоҳлаган тарзда ўйнаши учун кўпроқ вақт кераклигини таъкидлади. Сабаби Хави бошқаларнинг хатоларини тузатиши керак эди.
Хави ўтган йилнинг кузидан бери "Барселона"ни бошқариб келмоқда. Ўшандан бери Испания Ла Лигасида ўтказилган 15 учрашувда каталонияликлар бор-йўғи битта мағлубият аламини тотиб кўрди ва турнир жадвалидаги ўрнини сезиларли даражада яхшилади. Энди Каталон клуби 3-ўринда ва совринлар учун курашни давом эттирмоқда.
