UYEFA matbuot xizmati «Inter» hujumchisi Lautaro Martinesning «Liverpul» darvozasiga urgan golini Chempionlar ligasida haftaning eng yaxshi goli deb tan oldi.
Chempionlar ligasining 1/8 final javob o‘yinida «Inter» uchun yagona gol argentinalik hujumchi tomonidan kiritildi. Birinchi o‘yin 2:0 hisobida «Liverpul» foydasiga hal bo‘lgan edi, shuning uchun «qizillar» keyingi bosqichga yo‘l oldi.
Joriy mavsum Martines Italiya klubi safida 38 ta o‘yinda maydonga tushib, 16 ta gol urdi va 2 ta golli uzatmani amalga oshirdi.
