Ispaniya La Ligasi prezidenti Xavyer Tebas "Real"ga o‘tishga yaqin turgan Kilian Mbappening kelajagi haqida o‘z fikri bilan o‘rtoqlashdi.
"Mbappe "PSJ"da qolmaydi, bunga hech qanday shubha yo‘q. U hali ham keyingi mavsumda qayerda o‘ynashini ma’lum qilmagani tushunarsiz. Ammo shuni aytishim mumkinki, Kilian "PSJ"da qolmaydi. Bu aniq", - deya Tebasning so‘zlarini keltiradi Marca.
Kilian Mbappening "PSJ" bilan shartnomasi shu yozda yakuniga yetadi. Ko‘plab ma’lumotlarga ko‘ra, 23 yoshli hujumchi tez orada "Real" bilan shartnoma imzolaydi.
Joriy mavsumda fransiyalik futbolchi Parij klubi safida barcha turnirlar doirasidagi 36 uchrashuvda 26 marta raqib darvozasiga zarba yo‘llagan.