Испания Ла Лигаси президенти Хавьер Тебас "Реал"га ўтишга яқин турган Килиан Мбаппенинг келажаги ҳақида ўз фикри билан ўртоқлашди.
"Мбаппе "ПСЖ"да қолмайди, бунга ҳеч қандай шубҳа йўқ. У ҳали ҳам кейинги мавсумда қаерда ўйнашини маълум қилмагани тушунарсиз. Аммо шуни айтишим мумкинки, Килиан "ПСЖ"да қолмайди. Бу аниқ", - дея Тебаснинг сўзларини келтиради Маrcа.
Килиан Мбаппенинг "ПСЖ" билан шартномаси шу ёзда якунига етади. Кўплаб маълумотларга кўра, 23 ёшли ҳужумчи тез орада "Реал" билан шартнома имзолайди.
Жорий мавсумда франциялик футболчи Париж клуби сафида барча турнирлар доирасидаги 36 учрашувда 26 марта рақиб дарвозасига зарба йўллаган.