«Lill» yarim himoyachisi Renatu Sanchesh tez orada «Milan» bilan shartnoma imzolashi mumkin.

24 yoshli portugaliyalik fransuz jamoasi uchun asosiy yo‘qotishlardan biriga aylanishi mumkin. Turinning «Yuventus» va Londonning «Arsenal» klublari qiziqish bildirayotganiga qaramay, Sanchesh «Milan»ga o‘tmoqchi.

Eslatib o‘tamiz, o‘tgan yozda yarim himoyachi «Barselona»ga o‘tishga yaqin edi, ammo jarohat tufayli transfer amalga oshmay qolgandi.

Renatu Sanchesh joriy mavsum «Lill» safida 25 ta o‘yinda maydonga tushib, 1 ta gol va 5 ta golli uzatmaga mualliflik qilgan.