«Aston Villa» o‘ng qanot himoyachisi Metti Kesh «Atletiko»ning yozgi transfer bozoridagi asosiy maqsadi bo‘lib qolmoqda.
Ispan klubining Polsha terma jamoasi futbolchisiga qiziqishi yanvar oyida ma’lum bo‘lgandi. Bu haqda Fabrisio Romanoni ham xabar tarqatgandi.
SunSport xabariga ko‘ra, «Atletiko» mavsum oxirida Kesh sotib olishni ko‘rib chiqadi. 24 yoshli futbolchining transferi taxminan 30-40 million funtni tashkil qilishi mumkin.
Metti Kesh joriy mavsumda «Aston Villa» safida 28 ta o‘yinda maydonga tushib, 3 ta gol va 3 ta golli uzatmaga mualliflik qilgan.
