"Milan" yarim himoyachisi Ismael Bennaser klubi bilan shartnomasini uzaytirishi mumkin. Tomonlar allaqachon o‘zaro kelishuvga erishgan, deya xabar beradi jurnalist Fabrisio Romano.
Ma’lumotlarga ko‘ra, 24 yoshli jazoirlik 2026 yilgacha yangi shartnoma imzolaydi va unga ko‘ra yiliga 3,2 million yevro oladi. Shu bilan birga, 50 million yevrolik tovon puli shartnomadan olib tashlanadi.
Yaqin orada yangi shartnoma imzolanishi kutilmoqda.
Bennaser joriy mavsumda barcha musobaqalarda 33 ta o‘yinda maydonga tushib, 2 ta gol urdi va golli uzatmani amalga oshirdi.
