“Xorazm” – “Andijon” (3:0) o‘rtasidagi bellashuvdan keyingi matbuot anjumanining ikkinchi qismida Viktor Kumikov o‘z fikrlari bilan o‘rtoqlashdi.

"Albatta, bugungi o‘yin uchun fikrim yaxshi emas. O‘z jamoam haqida gapirsam, o‘yinimiz o‘xshamadi. Bunga esa ko‘p sabablar bor. Uzoq yo‘l, maydon, legionerlarga esa o‘yindan avval ta’qiq bor edi. Keyin esa uchrashuvga oz fursat qolganidagina ruxsat berishdi. Bunga qadar asosiy tarkibimizni aniqlashtirib bo‘lgandik. Biz tuzgan tarkibimiz ishonchimizni oqlamadi va tanaffusgacha 2 ta to‘p o‘tkazib yubordik va bunday holatdan keyin ruhiy tomondan tiklanishimiz qiyin bo‘ldi.

Legionerlar masalasi bo‘yicha buning sababini klub direktoridan so‘raganinglar ma’qul. “Xorazm” yomon jamoa emas ekan, yugurishyapti, harakat qilishyapti, xohish yuqori edi. Bu pro liga uchun yetarli.

Milich zaxiradan tushib harakat qildi va ko‘p yakka kurashlarda yutdi. Unga ko‘proq jarima maydoni ichiga to‘pni uzatib berishlari kerak edi, chunki u bosh bilan yaxshi o‘ynaydi. Bugungi o‘yinda unda ham, jamoada ham hech nima o‘xshamadi. Biz bunday sun’iy maydonda o‘ynagani qiynaldik. “Xorazm” esa o‘rganib qolgan.

O‘yindan keyin esa hattoki cho‘milgani suv ham yo‘q. Qanday qilib, PFL bunday sharoiti bo‘lmagan stadionda o‘ynashga ruxsat berganiga hayronman.

Bizda maqsad bor. O‘yin taraflama va boshqa jihatlar bo‘yicha hozircha ishlarimiz o‘xshamayapti. Yig‘in paytida kuchli raqiblarga qarshi o‘yinimizda o‘zimiz o‘ylagan taktikalarni namoyish qilgandik. Hozir esa negadir o‘xshamayapti. Hali hammasi oldinda. Biz oxirigacha kurashamiz. Jamoani ruhiy tarafdan tiklash kerak" - dedi Kumikov