"Atletiko Madrid" "Levante" yarim himoyachisi Xose Kampanyaga qiziqish bildirmoqda, deb xabar beradi AS.

Manba bergan xabarga ko‘ra, 28 yoshli ispaniyalik futbolchi bilan ishlashga shaxsan Madrid klubi bosh murabbiyi Diyego Simeone qiziqmoqda.

Ma’lum qilinishicha, futbolchining shartnomasida "Levante" La Ligadan tushib ketgan taqdirda uni ijaraga berish imkonini beruvchi band bor.

Agar jamoa quyi ligaga tushib ketsa, "Atletiko" ushbu variantdan foydalanishni va futbolchini keyingi mavsum oxirigacha sotib olish sharti bilan ijaraga olishni rejalashtirmoqda.

2021/22 yilgi mavsumda Kampanya "Levante"ning 14 ta o‘yinida qatnashib, 2 ta gol urdi.

Transfermarkt.com portali yarim himoyachining narxini 7,5 million yevroga baholamoqda.