"Атлетико Мадрид" "Леванте" ярим ҳимоячиси Хосе Кампаньяга қизиқиш билдирмоқда, деб хабар беради AS.
Манба берган хабарга кўра, 28 ёшли испаниялик футболчи билан ишлашга шахсан Мадрид клуби бош мураббийи Диего Симеоне қизиқмоқда.
Маълум қилинишича, футболчининг шартномасида "Леванте" Ла Лигадан тушиб кетган тақдирда уни ижарага бериш имконини берувчи банд бор.
Агар жамоа қуйи лигага тушиб кетса, "Атлетико" ушбу вариантдан фойдаланишни ва футболчини кейинги мавсум охиригача сотиб олиш шарти билан ижарага олишни режалаштирмоқда.
2021/22 йилги мавсумда Кампанья "Леванте"нинг 14 та ўйинида қатнашиб, 2 та гол урди.
Transfermarkt.com портали ярим ҳимоячининг нархини 7,5 миллион еврога баҳоламоқда.
