"Sassuolo" hujumchisi Domeniko Berardi yozda jamoasini almashtirishi mumkin.
Calciomercato.com xabariga ko‘ra, 27 yoshli futbolchining xizmatlariga "Napoli" klubi qiziqish bildirmoqda.
Manba bergan xabarga ko‘ra, neapolliklar klubi rahbariyati Berardini yozda jamoani tark etadigan Lorenso Insinyega o‘rinbosar sifatida ko‘rmoqda.
Berardi joriy mavsum A Seriyaning 27 o‘yinida 14 ta gol urdi va 11 ta golli uzatmani amalga oshirdi.
Hujumchi "gol+pas" tizimi bo‘yicha chempionatning eng yaxshi futbolchisi hisoblanadi. Dominiko va "Sassuolo" o‘rtasidagi kelishuv 2024 yilning yozida yakuniga etadi. Uning bozor qiymati Transfermarkt tomonidan 35 million yevroga baholangan.
