Madridning “Atletiko” klubining urugvaylik hujumchisi Luis Suares jurnalistlarga bu mavsumda o‘zi kutgan darajada o‘ynamaganini aytdi.
Suares o‘tgan mavsumda hamma uning juda yaxshi o‘ynagani, ammo bu mavsumda vaziyat teskari ekanligini aytdi. Luisning ta’kidlashicha, hozir u kutilganidan kamroq o‘ynayapti, bu esa uning formasiga salbiy ta’sir o‘tkazmoqda. Hujumchi aynan shu sababdan Urugvay terma jamoasi safida tez-tez o‘ynashni xohlashini qo‘shimcha qildi.
Joriy mavsumda Luis Suares Ispaniya chempionatida 28 ta o‘yin o‘tkazib, 9 ta gol va 2 ta golli uzatmaga mualliflik qilgan.
