«Liverpul» hujumchisi Divok Origi «Milan»ga o‘tishga rozi bo‘ldi, deb xabar beradi La Gazzetta dello Sport nashri.
Manba bergan xabarga ko‘ra, 26 yoshli belgiyalik futbolchi Italiya klubi bilan yiliga to‘rt million yevro maosh oladigan 4 yillik shartnoma imzolaydi.
Kelishuv yaqin kunlarda rasman amalga oshishi aytilmoqda.
Origi joriy mavsumda «Liverpul» safida 14 ta o‘yinda maydonga tushib, 5 ta gol va 3 ta golli uzatmani amalga oshirdi. Hujumchining ingliz klubi bilan shartnomasi 2022 yilning 30 iyuniga qadar mo‘ljallangan.
