«Ливерпуль» ҳужумчиси Дивок Ориги «Милан»га ўтишга рози бўлди, деб хабар беради La Gazzetta dello Sport нашри.
Манба берган хабарга кўра, 26 ёшли бельгиялик футболчи Италия клуби билан йилига тўрт миллион евро маош оладиган 4 йиллик шартнома имзолайди.
Келишув яқин кунларда расман амалга ошиши айтилмоқда.
Ориги жорий мавсумда «Ливерпуль» сафида 14 та ўйинда майдонга тушиб, 5 та гол ва 3 та голли узатмани амалга оширди. Ҳужумчининг инглиз клуби билан шартномаси 2022 йилнинг 30 июнига қадар мўлжалланган.
