Huquqiy jihatdan Londonning «Chelsi» klubiga tegishli bo‘lgan yarim himoyachi Konor Gallaxerga Rimning «Roma» klubi qiziqish bildirmoqda.

Sport Witness tarqatgan xabarga ko‘ra, rimliklar 22 yoshli angliyalik futbolchini shu yilning yozida ijaraga olishga harakat qilib ko‘radi. «Bo‘rilar» bosh murabbiyi Joze Mourinyo ushbu transferni amalga oshirishga ruxsat berdi.

Gallaxer bu mavsumda «Kristal Pelas» safida ijara asosida o‘ynamoqda. U 30 o‘yinda maydonga tushib, 8 ta gol urdi va 5 golli uzatmani amalga oshirdi.