Angliya terma jamoasi bosh murabbiyi Garet Sautgeyt Shveysariya bilan o‘tkazilgan o‘rtoqlik o‘yini haqida fikr bildirdi.
Ushbu o‘rtoqlik uchrashuvida inglizlar 2:1 hisobida zafar quchdi.
“Biz uchun katta sinov. Biz raqibni jiddiy kurash olib boradigan juda yaxshi jamoa ekanligini bilardik. Biz yangi kelgan va xalqaro tajribaga ega bo‘lmagan futbolchilarimiz haqida ko‘p narsalarni bilib oldik.
Bilamizki, shveysariyaliklar taktik jihatdan yaxshi tayyorgarlik ko‘rishgan, ammo o‘yin mobaynida biz yaxshi harakat qildik. Zaxiradan maydonga tushgan futbolchilar katta hissa qo‘shishdi. G‘alabadan xursandman.
Stouns jiddiy jarohat olgan deb o‘ylamaymiz, u keyingi o‘yinga tayyor bo‘lishi mumkin. Tavakkal qilishdan foyda yo‘q edi”, - dedi Sautgeyt Sky Sports bilan suhbatda.
