Англия терма жамоаси бош мураббийи Гарет Саутгейт Швейцария билан ўтказилган ўртоқлик ўйини ҳақида фикр билдирди.
Ушбу ўртоқлик учрашувида инглизлар 2:1 ҳисобида зафар қучди.
“Биз учун катта синов. Биз рақибни жиддий кураш олиб борадиган жуда яхши жамоа эканлигини билардик. Биз янги келган ва халқаро тажрибага эга бўлмаган футболчиларимиз ҳақида кўп нарсаларни билиб олдик.
Биламизки, швейцарияликлар тактик жиҳатдан яхши тайёргарлик кўришган, аммо ўйин мобайнида биз яхши ҳаракат қилдик. Захирадан майдонга тушган футболчилар катта ҳисса қўшишди. Ғалабадан хурсандман.
Стоунс жиддий жароҳат олган деб ўйламаймиз, у кейинги ўйинга тайёр бўлиши мумкин. Таваккал қилишдан фойда йўқ эди”, - деди Саутгейт Sky Sports билан суҳбатда.
