Hozirda “Barselona”ning 6 nafar futbolchisi ijarada.
Keling, ularning yangi klublardagi yutuqlarini ko‘rib chiqamiz va ularning transferini taxmin qilamiz.
Antuan Grizmann ("Atletiko Madrid")
Gollar: 8.
Golli uzatmalar: 5.
Grizmann Diyego Simeone qo‘l ostida yana o‘zini ko‘rsatmoqda. Fransiyalik futbolchi "Atletiko"ning Chempionlar ligasidagi muhim ijrochisi bo‘lmoqda. U musobaqada 4 ta gol urdi va 2 ta golli uzatmani amalga oshirdi.
Orada 31 yoshli futbolchi mushaklaridan jarohat oldi va dekabrdan fevralgacha maydonga tusha olmadi, ammo u yana asosiy tarkibga qaytgan.
Tahminiy transferi: "Atletiko Madrid" Grizmannni 2023 yilda sotib olishdan oldin uning ijarasini yana bir mavsumga uzaytirmoqchi.
Filippe Koutinyo («Aston Villa»)
Gollar: 4.
Golli uzatmalar: 3.
Braziliyalik futbolchi yanvar oyidan beri ijarada to‘p surmoqda va u allaqachon "Aston Villa"ning o‘yinlariga katta ta’sir o‘tkazmoqda.
29 yoshli futbolchi yana Premyer-ligaga qaytganidan xursand va u yerda o‘zini uyidagidek his qilmoqda.
Tahminiy transferi: "Aston Villa" Koutinyoni 40 million yevroga sotib oladi.
Miralem Pyanich (“Beshiktosh”)
Gollar: 0.
Golli uzatmalar: 4.
Bosniyalik futbolchi turklar uchun muhim o‘yinchi bo‘lgan, biroq uning jaohati futbolchiga ancha halaqit bermlqda.
31 yoshli futbolchi 79 kundan beri maydonga tushgani yo‘q. Pyanich hozir ham jarohatda.
Tahminiy transferi: “Beshiktosh” futbolchini arzimagan pulga sotib olishi mumkin.
Fransisko Trinkau (“Vulverxempton”)
Gollar: 2.
Golli uzatmalar: 1.
So‘nggi haftalarda portugal "Vulverxempton" uchun yaxshi o‘yin ko‘rsata boshladi. "Lids Yunayted"ga qarshi o‘yinda u asosiy tarkibga kiritilganidan so‘ng gol urdi va assistentlik qildi.
Tahminiy transfer: Trinkau "Barselona"ga qaytadi, ammo kataloniyaliklar uni Portugaliyaning "Sporting" yoki "Benfika" klubiga sotishadi; Qanot futbolchisi Adama Traore bilan shartnoma imzolashda savdo vositasi sifatida ham foydalanishi mumkin.
Inyaki Penya (“Galatasaroy”)
Uchrashuvlar: 8.
O‘tkazib yuborilgan gollar: 11.
"Galatasaroy" “Barselona”ning uchinchi darvozabonining o‘yinidan ko‘ngli to‘lmoqda - u ayniqsa Yevropa Ligasi "blaugranas"ga qarshi o‘yinlarda yaxshi o‘ynadi.
Tahminiy transfer: "Barselona" keyingi mavsumda Penyani jamoada olib qoladi va Mark-Andre ter Shtegendan keyin jamoaning ikkinchi raqamli posboni bo‘ladi.
Aleks Kollado (“Granada”)
Gollar: 0.
Golli uzatmalar: 1.
Kollado yanvar oyida "Granada"ga o‘tganidan beri unchalik yaxshi taassurot qoldirmayotgan edi. Vaholanki, uning “Alaves”ga qarshi so‘nggi o‘yini haqiqatdan ham ajoyib bo‘lgan, u o‘sha kuni hujumkor o‘yin ko‘rsatdi va golli uzatma amalga oshirdi.
Transfer tahmini: "Barselona" vingerni shu yozda sotadi. Hozircha unga jiddiy xaridor topilganicha yo‘q.
