Himoyachi Virjil van Deyk Niderlandiya terma jamoasining taktikasi borasida berilgan savolga javob berdi.

Terma jamoa bosh murabbiy Lui van Gal tanlagan 3-4-1-2 sxemasi bo‘yicha o‘rtoqlik o‘yinida Daniya terma jamoasi 4:2 hisobida mag‘lub etildi.

“Biz qattiq mehnat qildik, ko‘plab yig‘ilishlar va taktik mashg‘ulotlar o‘tkazdik. Yaxshi narsalar bor va ular ustida ishlash kerak. Biz hammasini amallaymiz.

Albatta, bu biz uchun yangi sxema, futbolchilarga qo‘yiladigan talablar boshqacha. Lekin ko‘p narsaga erishdik deb o‘ylayman.

Bu taktika sizga yoqdimi?

- To‘g‘risi, men baribir 4-3-3 ni afzal ko‘raman, lekin men terma jamoa bosh murabbiyi emasman. Bosh murabbiy esa bu borada juda qat’iy fikrda”, - dedi “Liverpul” futbolchisi NOS nashriga bergan intervyusida.