«Arsenal» yarim himoyachi Bukayo Sakaga yangi shartnoma taklif qilmoqchi. Reja bo‘yicha muzokaralar mavsum oxirida boshlanishi kerak. Bu haqda jurnalist Fabrisio Romano xabar bermoqda.
Manbaga ko‘ra, futbolchi klubda baxtli, shuning uchun muzokaralar muammo tug‘dirmasligi kerak. Futbolchining klub bilan amaldagi shartnomasi 2024 yilning yoziga qadar mo‘ljallangan.
20 yoshli ingliz futbolchisi joriy mavsumda «kanonirlar» safida 33 ta o‘yinda maydonga tushib, 10 ta gol va 5 ta golli uzatmani amalga oshirdi. Futbolchining Transfermarktdagi narxi 65 mln yevroni tashkil qiladi.
