«Арсенал» ярим ҳимоячи Букайо Сакага янги шартнома таклиф қилмоқчи. Режа бўйича музокаралар мавсум охирида бошланиши керак. Бу ҳақда журналист Фабрицио Романо хабар бермоқда.
Манбага кўра, футболчи клубда бахтли, шунинг учун музокаралар муаммо туғдирмаслиги керак. Футболчининг клуб билан амалдаги шартномаси 2024 йилнинг ёзига қадар мўлжалланган.
20 ёшли инглиз футболчиси жорий мавсумда «канонирлар» сафида 33 та ўйинда майдонга тушиб, 10 та гол ва 5 та голли узатмани амалга оширди. Футболчининг Трансфермарктдаги нархи 65 млн еврони ташкил қилади.
