“Manchester Yunayted”, “Real” va Niderlandiya terma jamoalarining sobiq hujumchisi Rud van Nistelroy kelasi mavsumda PSVni boshqarishi mumkin, deya xabar beradi Voetbal International.

45 yoshli van Nistelroy hozirda Eyndxoven klubining yoshlar jamoasiga ustozlik qilmoqda.

PSVning amaldagi bosh murabbiyi Rojer Shmidt 2021/22 yilgi mavsum yakunida jamoani tark etadi.

PSV rahbariyati allaqachon van Nistelroyga asosiy jamoani boshqarish taklifi bilan murojaat qilgan. Ammo mutaxassis hali bunga javob bermadi.

Ma’lumot o‘rnida, sobiq hujumchi PSV tizimida 2016 yildan buyon ishlab kelmoqda.