"Manchester Yunayted" hujumchisi Markus Reshfordga bir qancha top-klublar qiziqish bildirmoqda.

Daily Mail xabariga ko‘ra, futbolchining xizmatlariga Angliyaning "Arsenal", Ispaniyaning "Barselona" va Fransiyaning "PSJ" klublari qiziqish bildirmoqda.

Ma’lumot uchun, Reshford "Manchester Yunayted" tarbiyalanuvchisi hisoblanadi, 2021/22 yilgi mavsumda hujumchi jamoasi safida 24 ta o‘yinda 5 ta gol urdi va 2 ta golli uzatmani amalga oshirdi.

Avvalroq, 24 yoshli angliyalik o‘yin amaliyotiga ega bo‘lmagani uchun klubni tark etishi mumkinligi haqida ma’lumotlar paydo bo‘lgandi.

Uning "Manchester Yunayted" bilan amaldagi shartnomasi 2023 yilning yozida tugaydi, klub uni yana bir yilga uzaytirish huquqiga ega. Transfermarkt.com portali futbolchining narxini 85 million yevroga baholamoqda.