"Манчестер Юнайтед" ҳужумчиси Маркус Рэшфордга бир қанча топ-клублар қизиқиш билдирмоқда.
Daily Mail хабарига кўра, футболчининг хизматларига Англиянинг "Арсенал", Испаниянинг "Барселона" ва Франциянинг "ПСЖ" клублари қизиқиш билдирмоқда.
Маълумот учун, Рэшфорд "Манчестер Юнайтед" тарбияланувчиси ҳисобланади, 2021/22 йилги мавсумда ҳужумчи жамоаси сафида 24 та ўйинда 5 та гол урди ва 2 та голли узатмани амалга оширди.
Аввалроқ, 24 ёшли англиялик ўйин амалиётига эга бўлмагани учун клубни тарк этиши мумкинлиги ҳақида маълумотлар пайдо бўлганди.
Унинг "Манчестер Юнайтед" билан амалдаги шартномаси 2023 йилнинг ёзида тугайди, клуб уни яна бир йилга узайтириш ҳуқуқига эга. Transfermarkt.com портали футболчининг нархини 85 миллион еврога баҳоламоқда.
