«Arsenal» hujumchisi Nikolas Pepe kelajagi haqida gapirdi. Oldinroq Britaniya OAVlari tomonidan futbolchining «kanonirlar» tarkibida o‘yin amaliyotidan norozi ekani haqida xabarlar tarqalgandi.
«Mening kelajagim? Hozir bor e’tiborimni »Arsenal"ning mavsumning qolgan qismida yaxshi natijaga erishish istagi hamda klubning Chempionlar ligasiga yo‘l olishiga qaratganman. Keling, keyin nima bo‘lishini ko‘ramiz.
Nega men kamdan-kam o‘ynayman? Jamoa g‘alaba qozonayotganda, murabbiy ro‘yxatga tarkibga kiritishi qiyin. Arteta buni menga tushuntirdi. Murabbiy mening xavotirda ekanligimni va qattiq mehnat qilayotganimni biladi.
Muammolar aloqa bilan ham bog‘liq bo‘lishi mumkin. Ba’zida til to‘sig‘i tufayli muloqot qilish qiyin. Bu men uchun og‘ir mavsum bo‘ldi. Albatta, maydonga tushmaslik - yoqimsiz. Hech bir futbolchi zaxirada o‘tirishni yoqtirmaydi, lekin men murabbiyning qarorini hurmat qilishim kerak. Qolaversa, ayni damda jamoa yaxshi ishlamoqda», - dedi Pepe Mirror bilan suhbatda.
