"Barselona" prezidenti Joan Laporta "Kamp Nou"ni ta’mirlash 2025 yilgacha yakunlanishini aytdi. Oldinroq stadion yangi homiy – Spotify sharafiga qisman o‘zgartirilishi haqida xabar berilgandi.
Laportaning ishontirishicha, Sharqiy Yevropadagi notinch vaziyat tufayli logistika bilan bog‘liq muammoli vaziyat stadion qurilishi muddatlariga ta’sir qilmaydi – avvalroq “Real Madrid” kutilmaganda shunday muammoga duch kelgan, u ham o‘z stadionini yangilash ustida ishlamoqda.
Stadionni ta’mirlash vaqtida "Barselona" boshqa stadionda, masalan, Barselonadagi "Olimpiya" stadionida o‘ynashiga to‘g‘ri kelishi mumkin.
