"Барселона" президенти Жоан Лапорта "Камп Ноу"ни таъмирлаш 2025 йилгача якунланишини айтди. Олдинроқ стадион янги ҳомий – Spotify шарафига қисман ўзгартирилиши ҳақида хабар берилганди.

Лапортанинг ишонтиришича, Шарқий Европадаги нотинч вазият туфайли логистика билан боғлиқ муаммоли вазият стадион қурилиши муддатларига таъсир қилмайди – аввалроқ “Реал Мадрид” кутилмаганда шундай муаммога дуч келган, у ҳам ўз стадионини янгилаш устида ишламоқда.

Стадионни таъмирлаш вақтида "Барселона" бошқа стадионда, масалан, Барселонадаги "Олимпия" стадионида ўйнашига тўғри келиши мумкин.