Angliya terma jamoasi muxlislari Kot-d’Ivuar termasiga qarshi o‘rtoqlik uchrashuvida himoyachi Garri Maguayrga qarshi xushtakbozlik qilishdi.

Terma jamoalar tarkibi tanishtirilayotgan paytda muxlislar Maguayrga xushtak chalishdi. Shundan so‘ng muxlislar o‘yin davomida Garriga bosim o‘tkazishda davom etishdi.

Xabaringiz bor, so‘nggi paytlarda Maguayr himoyadagi eng ishonchli o‘yin ko‘rsata olmayotgani uchun faol tanqid qilinmoqda. «Manchester Yunayted»ning ko‘plab muxlislari Garridan norozi va undan sardorlik bog‘ichi olib qo‘yilishini talab qilishmoqda.