Milanning «Inter» klubi yozda Romelu Lukakuni o‘z safiga qo‘shib olishi mumkin.
«Neradzurrilar» rahbarlari «Chelsi»dagi noaniq vaziyatdan foydalanib, Romelu Lukakuni o‘z saflariga qaytarishlari mumkin.
Calciomercato xabariga ko‘ra, hozirda bu imkoniyat «Inter» prezidenti Juzeppe Marotta tomonidan o‘rganilmoqda. Katta ehtimol bilan milanliklar Lukakuni keyingi mavsum uchun ijaraga olishga harakat qiladi.
Belgiyalik hujumchi «Chelsi»dagi o‘z pozisiyasidan norozi, o‘zi xohlagancha tez-tez maydonga tushmayapti va Tomas Tuxel qo‘l ostida kuchli tomonlarini ko‘rsata olmayapti.
Eslatib o‘tamiz, o‘tgan yozda Romelu Lukaku «Inter»dan «Chelsi»ga 113 million yevro evaziga ko‘chib o‘tgan edi.
