«Barselona» fransiyalik vinger Usmon Dembele bilan shartnomani uzaytirmoqchi.
Jurnalist Jerar Romero xabariga ko‘ra, seshanba kuni Kataloniya klubi vakillari fransiyalik futbolchining agenti bilan uchrashuv o‘tkazishgan.
Qayd etilishicha, «ko‘k-anorranglilar» bosh murabbiyi Xavi klub rahbariyatiga Usmonning yangi shartnomasi bo‘yicha muzokaralarni qayta boshlash iltimosi bilan murojaat qilgan. Futbolchining o‘zi va uning atrofidagilar «Barselona»da qolishni istamoqda.
Xabarlarga ko‘ra, «Barsa» Dembelega avvalgisidan kamroq maosh taklif qilgan. Shuning uchun u barchasiga rozi bo‘lishiga to‘g‘ri keladi.