«Барселона» франциялик вингер Усмон Дембеле билан шартномани узайтирмоқчи.
Журналист Жерар Ромеро хабарига кўра, сешанба куни Каталония клуби вакиллари франциялик футболчининг агенти билан учрашув ўтказишган.
Қайд этилишича, «кўк-анорранглилар» бош мураббийи Хави клуб раҳбариятига Усмоннинг янги шартномаси бўйича музокараларни қайта бошлаш илтимоси билан мурожаат қилган. Футболчининг ўзи ва унинг атрофидагилар «Барселона»да қолишни истамоқда.
Хабарларга кўра, «Барса» Дембелега аввалгисидан камроқ маош таклиф қилган. Шунинг учун у барчасига рози бўлишига тўғри келади.