Superliga 4-turidan o‘rin olgan "Bunyodkor" - "Dinamo" uchrashuvi yakuniga yetdi. Bahsda mezbonlar 2:1 hisobida irodali g‘alabaga erishdi.
O‘yinning katta qismi davomida samarqandliklar Sahob Rashidov tomonidan 16-daqiqada kiritilgan gol evaziga oldinda borishdi. Ammo 83-daqiqada Umarbek Rahmonaliyev penaltidan unumli foydalandi va hisobni tenglashtirdi. Bahs yakunlanishiga bir necha soniya vaqt qolganida Avazbek O‘lmasaliyev tomonidan kiritilgan gol "qaldirg‘ochlar"ga irodali g‘alaba taqdim etdi. Yakuniy hisob - 2:1.
Uchrashuv davomida "Bunyodkor" a’zosi Ibrahim Tomiva penaltidan foydalana olmagan bo‘lsa, "Dinamo" futbolchisi Abdujamol Isroilov qizil kartochka olib, maydonni tark etdi.
Superliga, 4-tur
31 mart, 19:00
"Bunyodkor" (Toshkent)
"Bunyodkor" - "Dinamo" - 2:1
Gollar: 16 - S.Rashidov (0:1), 83 - U.Rahmonaliyev (1:1 - penaltidan), 90+3 - A.O‘lmasaliyev (2:1).
Foydalanilmagan penalti: 35 - I.Tomiva
Bunyodkor: S.Sultonov, D.Ergashev, D.Jo‘rayev, A.O‘lmasaliyev, F.Narh, R.Yo‘ldoshev, M.Olimjonov, U.Rahmonaliyev, S.Izzatov, I.Tomiva, J.O‘rozov.
Dinamo: M.Perkovich, M.Yovanovich, I.Yo‘ldoshev, T.Ismoilov, S.Rashidov, J.Mannonov, M.Muzaffarov, J.Jumayev, A.Isroilov, O.Nurmatov, YE.CHumak.
Qizil kartochka: 64 - A.Isroilov ("Dinamo")
