Суперлига 4-туридан ўрин олган "Бунёдкор" - "Динамо" учрашуви якунига етди. Баҳсда мезбонлар 2:1 ҳисобида иродали ғалабага эришди.

Ўйиннинг катта қисми давомида самарқандликлар Саҳоб Рашидов томонидан 16-дақиқада киритилган гол эвазига олдинда боришди. Аммо 83-дақиқада Умарбек Раҳмоналиев пенальтидан унумли фойдаланди ва ҳисобни тенглаштирди. Баҳс якунланишига бир неча сония вақт қолганида Авазбек Ўлмасалиев томонидан киритилган гол "қалдирғочлар"га иродали ғалаба тақдим этди. Якуний ҳисоб - 2:1.

Учрашув давомида "Бунёдкор" аъзоси Ибраҳим Томива пенальтидан фойдалана олмаган бўлса, "Динамо" футболчиси Абдужамол Исроилов қизил карточка олиб, майдонни тарк этди.

Суперлига, 4-тур
31 март, 19:00
"Бунёдкор" (Тошкент)

"Бунёдкор" - "Динамо" - 2:1

Голлар: 16 - С.Рашидов (0:1), 83 - У.Раҳмоналиев (1:1 - пенальтидан), 90+3 - А.Ўлмасалиев (2:1).

Фойдаланилмаган пенальти: 35 - И.Томива 

Бунёдкор: С.Султонов, Д.Эргашев, Д.Жўраев, А.Ўлмасалиев, Ф.Нарҳ, Р.Йўлдошев, М.Олимжонов, У.Раҳмоналиев, С.Иззатов, И.Томива, Ж.Ўрозов.

Динамо: М.Перкович, М.Йованович, И.Йўлдошев, Т.Исмоилов, С.Рашидов, Ж.Маннонов, М.Музаффаров, Ж.Жумаев, А.Исроилов, О.Нурматов, Е.Чумак.

Қизил карточка: 64 - А.Исроилов ("Динамо")