Yengil atletika bo‘yicha terma jamoamiz a’zosi Roksana Xudoyorova ayni kunlarda Avstraliyada mavsumga tayyorgarlik doirasida bir qator xalqaro musobaqalarda o‘z omadini sinab ko‘rmoqda. Sportchimiz o‘tkazilayotgan Avstraliya ochiq chempionatida uch hatlab sakrash dasturida g‘alaba qozondi.
Hamyurtimiz musobaqada 13, 54 metr natija qayd etishga muvaffaq bo‘ldi. Ikkinchi va uchinchi o‘rinlar Avstraliya terma jamoasi vakilalariga nasib etdi. Kumush medalni qo‘lga kiritgan Kayla Kuba Roksanadan 3 sm past natija qayd etgan bo‘lsa, Ovusu Deysli 5 sm ortda qoldi.
Hamyurtimiz ertaga uzunlikka sakrash dasturida o‘z omadini sinab ko‘radi.
