Rimda “Lasio”ning ispaniyalik yosh yarim himoyachisi Raul Moro kaltaklanib, talon-taroj qilindi.

Corriere dello Sport xabariga ko‘ra, 19 yoshli ispaniyalik futbolchi va uning otasi Rimda o‘zlarini polisiyachi deb tanishtirgan noma’lum shaxslar tomonidan to‘xtatilgan. Hujumchilar futbolchi va uning otasidan mashinadan tushishni so‘ragan, keyin esa ularni kaltaklagan, talon-taroj qilgan va mashinani o‘g‘irlagan. Moro va uning otasi kasalxonaga yotqizilgan.

Eslatib o‘tamiz, joriy mavsumda Raul Moro Italiya chempionatida 11 ta o‘yin o‘tkazib, bitta golga assistentlik qilgan.