Ozarbayjon poytaxti Boku shahrida o‘tayotgan sport gimnastikasi bo‘yicha Jahon kubogining so‘nggi bosqichida kuchlilar saralanmoqda.
Quvonarlisi, hamyurtimiz Oksana Chusovitina ushbu bosqichda ham g‘alaba qozonib, tayanib sakrash dasturida bosh sovrinni qo‘lga kiritdi.
Yurtdoshimizning finalda amalga oshirgan dasturi hakamlar tomonidan 13.266 ballga baholandi. Bu esa ishtirokchilar orasida eng yuqori ko‘rsatkich bo‘ldi.
Qayd etish joiz, ikki bosqichda oltin va bitta kumush medal jamg‘argan Oksana tayanib sakrash bo‘yicha ayollar o‘rtasida Jahon kubogi g‘olibiga aylandi.
