Bugun Superliganing 4-tur o‘yinlariga yakun yasaldi.

Toshkentda "Lokomotiv" Qarshining "Nasaf" jamoasini qabul qildi va 0:1 hisobida imkoniyatni boy berdi. Kiritilgan yagona golga Suhrob Nurulloyev mualliflik qildi. An’anaga ko‘ra, uchrashuvning eng yaxshi futbolchisi aniqlandi. Bu "Nasaf" jamoasi yarim himoyachisi - Oybek Bozorov deb topildi.

"So‘g‘diyona" esa Timur Kapadze boshchiligidagi "Olimpik" jamoasini qabul qildi. O‘yinning 78-daqiqada Otabek Jo‘raqo‘ziyev mezmbonlar darvozasini ishg‘ol etib, "Olimpik" jamoasiga g‘alaba olib kelishga yaqin turgandi. Biroq, asosiy vaqtga qo‘shib berilgan daqiqalar o‘tib borayotgan pallada Shoxruz Norxonov "olimpiachilar" darvozasini ishg‘ol etib, jamoasini mag‘lubiyatdan qutqarib qoldi. Uchrashuvda "So‘g‘diyona" darvozasini ishg‘ol etgan Otabek Jo‘raqo‘ziyev uchrashuvning eng yaxshi futbolchisi deb topildi.

Shu tariqa, Superliganing 4-tur o‘yinlariga yakun yasaldi. Quyidagi turda qayd etilgan natijalar bilan tanishishingiz mumkin.