Niderlandiya terma jamoasi bosh murabbiyi Lui van Gal Jahon chempionati guruh bosqichiga tashlangan qur’a haqida o‘z fikrlarini bildirdi.

Uning shogirdlari A guruhida Qatar, Ekvador va Senegal terma jamoalari qarshi bahs olib boradi.

"Bular biz hech narsa bilmaydigan raqiblar. U ular hechida hech narsa bilmayman. O‘ylaymanki, bizning tahlilchilar ham bilishmaydi, shuning uchun tahlilchilarimizning qiladigan ishlari ko‘p.

2014 yilda biz Jahon chempioni - Ispaniya, o‘sha paytda Janubiy Amerikada uchinchi o‘rinni egallagan Chili va Avstraliya terma jamoalari bilan eng qiyin guruhdan joy oldgandik.

O‘shanda avstraliyaliklarga qarshi o‘yin biz uchun haqiqiy sinov bo‘lib chiqdi. O‘sha qur’a bilan solishtirganda, bu safar Afrika chempionlariga qarshi o‘ynasak ham, bu bizga qulayroq guruh bo‘ldi”, — dedi niderlandiyalik mutaxassis.