Madridning “Atletiko” klubi hujumchisi Joau Feliks La Liganing 30-turida “Alaves” ustidan qozonilgan g‘alabani (4:1) bosh murabbiy Diyego Simeonega bag‘ishlaganini aytdi.
Mart oyining oxirida, Simeonening 80 yoshli otiasi vafot etgan edi.
"Biz g‘alabani Simeonega bag‘ishlamoqchimiz, u hayotidagi eng og‘ir davrlardan birini boshdan kechirdi va bu g‘alaba unga tegishli. Muvaffaqiyatli o‘yin ko‘rsatish uchun jamoamiz ko‘plab yetakchilarga ega. Biz faqat kuchaymoqdamiz. Men o‘zimni ham jismonan, ham ruhiy jihatdan tayyor ekanligimga ishonaman", - deya Feliksning so‘zlarini keltiradi jurnalist Belen Sanches Garsiya o‘zining tvitterdagi sahifasida.
