Telegraph nashri xabariga ko‘ra, «Aston Villa» yozda «Lids» yarim himoyachisi Kalvin Fillipsni sotib olmoqchi. Angliyalik yarim himoyachiga anchadan beri ko‘plab klublar qiziqish bildirmoqda, shu sabab uni «Elland Roud»dan olib ketish uchun katta mablag‘ kerak bo‘ladi.

So‘nggi ma’lumotlarga ko‘ra, futbolchiga nisbatan talabgorlarning ko‘payishi «Lids» futbolchining narini taxminan 70 million yevro etib belgilashga sabab bo‘ldi. Taxminlarga ko‘ra, bu Fillipsni jamoada saqlab qolish maqsadida klubning rejasi hisoblanadi. Ammo «Aston Villa» Stiven Jerrard jamoasini kuchaytirish uchun katta pul sarflashga harakat qiladi.