«Manchester Siti» yarim himoyachisi Ilkay Gyundogan jamoaning Chempionlar ligasidagi maqsadlari haqida gapirdi.
«Bizda o‘tgan yilgi Chempionlar ligasi finali tajribasi bor, afsuski, biz o‘tgan yili finalda yutqazgandik. Finalda o‘ynash qanday ekanini bilamiz va u yerga yana yetib borish uchun bizda yetarlicha fazilatlar borligini bilamiz. Biz bu mas’uliyatni o‘z zimmamizga olishimiz va undan maksimal darajada foydalanishga harakat qilishimiz kerak», — dedi Gyundogan.
«Manchester Siti» va «Atletiko» o‘rtasidagi Chempionlar ligasi chorak finalining birinchi uchrashuvi 4 aprel seshanba kuni bo‘lib o‘tadi.
