O‘zbekiston U-16 terma jamoasi 5-15 aprel kunlari Toshkentda yig‘in o‘tkazadi. Ushbu terma jamoani iste’dodli mutaxassis Jamoliddin Rahmatullayev boshqarib boradi.

Ma’lumot uchun, Jamoliddin Rahmatullayev 1986 yilda tavallud topgan. Futbolchilik davrida “Lokomotiv” va “UzDongJu” kabi jamoalarda to‘p surgan. Murabbiy sifatidagi faoliyatini “Spartak-Toshkent” jamoasida boshlagan. 2020 yildan boshlab “Bunyodkor” U-18 bosh murabbiyi va O‘zbekiston U-16 terma jamoasining bosh murabbiyi yordamchisi sifatida ishlab kelgan.

Eslatib o‘tamiz, O‘zbekiston U-16 terma jamoasining mashg‘ulotlari Chig‘atoy bazasida bo‘lib o‘tadi. Bosh murabbiy tomonidan mazkur yig‘inga jalb etilgan futbolchilarning ro‘yxati bilan tanishing.